बडा दशै सुरु, देशैभर जमरा राखियो

काठमाडौँ, मुलुकभरका हिन्दु नेपालीहरुले घरघरमा जमरा राखेर दशैको सुरुवात गरेका छन् । मुलुकको मूख्य केन्द्र हनुमानढोकास्थित दशैँ घरमा बुधबार बिहान ७ः१५ को शुभ साइतमा वैदिक विधिपूर्वक घटस्थापना गरिएसँगै मुलुकभरका नेपालीले आफ्नो घरमा जमरा राखेरदशैको सुरुवात गरेका छन् ।

जमरा रखेसँगै दशैको चहलपहल सुरु भएको छ ।हनुमानढोकामा पुरातत्व विभागअन्तर्गतको दरबार हेरचाह अड्डाले दशैँ घरमा दियो, कलश रगणेश स्थापना गरी विधिपूर्वक घटस्थापना गरिएको थियो ।

घटस्थापनासँगै सो स्थानमा राखिएको जमरा विजयादशमीका दिन बिहान देवी विसर्जन गरेपछि प्रसादका रुपमा राष्ट्रपतिकार्यालयमा लैजाने गरिन्छ । गणतन्त्र स्थापना हुनु अघि हनुमानढोका दशैँ घरको घडाको जल,जमरालगायत टीका प्रसाद राजदरबार लगिन्थ्यो ।हनुमानढोकाको दशैँ घरमा राखिएको

जमरालगायत टीका प्रसाद ग्रहण गर्न चाहनेका लागि वितरण गर्ने गरिएको छ । कुनै स्थान रसमुदाय विशेषमा भने आश्विन शुक्ल द्वितीयाको रातिको जून हेरेर मात्र घटस्थापना गरीजमरा राख्ने प्रचलन रहेको छ । यस्तै असोज ३० गते मंगलबार फूलपाती भित्र्याइने छभनेसोही दिन बिहान ९ बजेर २१ मिनेटमा तुलजा भवानीको यात्रा गराइन्छ ।

समितिकाअध्यक्ष प्राध्यापक रामचन्द्र गौतमले दिनुभएको जानकारी अनुसार असोज ३१ गते बुधबारमहाअष्टमी, कात्तिक १ गते बिहीबार महानवमी, कात्तिक २ गते शुक्रबार विजयादशमी अर्थात्दशैँको टीका परेको छ ।

विजयादशमीका दिन बिहान ९ बजेर ३९ मिनेटमा देवी विसर्जनकोसाइत निस्किएको छ । यस्तै सोही दिन अर्थात बडा दशैको दिन साइत खोज्नेका लागि बिहान ९ बजेर ५१ मिनेटको समय उत्तम रहेको अध्यक्ष प्रा डा गौतमले बताउनुभयो ।

विजयादशमीकै दिन बिहान ८.३५ मा तुलजा भवानीको यात्रा गराइन्छ । भवानीलाई बिहान ९बजेर ४४ मिनेटमा स्थिर आसनमा राखिन्छ ।

कात्तिक ६ गते मंगलबार सबै बलि पूर्ति गरीजमरा सेलाइन्छ । कात्तिक ७ गते बुधबार कोजाग्रत पूर्णिमा व्रत मनाएपछि नेपालीको महान्चाड बडादशैँ समापन हुने समितिले जनाएको छ ।