प्यूठानमा थप १७ जनामा कोरोना संक्रमण पुष्टि

खलंगा । प्यूठानमा आज थप १७ जनामा कोरोना भाइरसको संक्रमण पुष्टि भएको छ । प्यूठानको स्वर्गद्वारी नगरपालिकाका थप १६ जना र ठेगाना नखुलेका एकगरी १७ जनामा कोरोना भाइरस संक्रमण पुष्टि भएको नगरपालिकाका स्वास्थ्य शाखा प्रमुख दलबहादुर केसीले जानकारी दिएका छन ।

नगरपालिकाका वडा नम्बर २ का एकजना, ४ का चारजना, ५ का एकजना, ६ का एकजना, ७ का एकजना, ८ का आठजना र ठेगाना नखुलेका एकगरी १७ जनामा संक्रमण देखिएको केसीले बताएका छन ।

केसीका अनुसार, ठेगाना नखुलेका एकसहित ५ जनाको राष्ट्रिय जनस्वास्थ्य प्रयोगशाला टेकु काठमाडौँ र १२ जनाको प्रदेश जनस्वास्थ्य प्रयोगशाला भैरहवामा गरिएको परीक्षणमा कोरोना पुष्टि भएको हो ।

प्यूठानमा कोरोना भाइरसबाट संक्रमण हुनेको संख्या १ सय ८६ पुगेको छ ।