वीरगञ्जमा कोरोना संक्रमणबाट एक जनाको मुत्युः मृत्यु हुनेको संख्या ४३ पुग्यो

काठमाण्डाैंः पर्साको वीरगञ्जमा एक जनाको कोरोना संक्रमणबाट मृत्यु भएको छ। यो ससँगै नेपालमा कोरोना संक्रमणबाट मृत्यु हुनेको संख्या ४३ पुगेको छ ।

मंगलबार अपरान्ह वीरगञ्ज महानगरपालिका-६ माईस्थानका करिब ७० वर्षीय पुरुषको उपचारको क्रममा नारायणी अस्पताल अन्तर्गतको गण्डक अस्थायी कोभिड अस्पतालमा मृत्यु भएको पुष्टि भएको हो ।

उनको मृत्यु भइसकेपछि बुधबार पिसिआर परीक्षण गर्दा कोरोना पोजिटिभ आएको अस्पताल स्रोतले जानकारी दिएको छ ।

गत सोमबार सास फेर्न गाह्रो भएपछि उनलाई एडभान्स अस्पतालमा भर्ना गरिएको थियो। तर कोरोनाको शंका लागेपछि मंगलबार गण्डकस्थित कोभिड अस्पतालमा लगिएकोमा अपरान्ह उनको मृत्यु भएको गण्डक अस्थायी कोभिड अस्पतालका डाक्टर उदयनारायण सिंहले जानकारी दिए।