कार्तिक १३, २०८३ शुक्रबार
October 30, 2026
न्युज डेस्क
२०७६ भाद्र ११, बुधबार
काठमाण्डौं- गएराती भोजपुर जिल्लाको भोजपुर न. पा. १२ पुवाखोला स्थित पक्कि पुलमा प्रयोग गरिएको इस्काभेटरमा आगजनी भएको छ ।
निर्माणाधिन पुवाखोला हाइड्रोपावर नजिकै मार्सेली कम्पनीले ठेक्का लिएर बनाउँदै गरेको उक्त पुवाखोला पक्कि पुलमा प्रयोग गरिएको JC 205 LCनम्बरको इस्काभेटरमा अन्दाजी ५ जनाको अज्ञात समुहले पेट्रोल छर्किएर आगो लगाएको हो ।
उक्त आग्लागीलाई स्थानिय बासीन्दाहरुले नियन्त्रणमा लिई इस्काभेटरलाई पुर्ण क्षति हुनबाट जोगाएको युरोका सचिव चन्द्र बुढाथोकीले बताएका छन् । उक्त आग्लागीबाट इस्काभेटरको ड्राईभर साईडको सिसा जलेको र अन्य क्षती भने नभएको प्रहरीले बताएको छ ।
ड्राईभरको सिट मुनी संकास्पद वस्तु फेला परेको हुनाले उक्त संकास्पद वस्तुलाई निष्कृय पार्नको लागि नेपाली सेनाको बम डिस्पोजल (बि.डि.ई) टिम सहितको टोलिले बुधवार बिहान घटना स्थल पुगि निस्कृय पारेको छ । उक्त शंकास्पद बस्तु सेनाले चेक जाँच गर्दा उक्त वस्तु बम नभई डिजेलको २ वटा बोतल रहेको पाईएको छ । उक्त घटना सरकारलाई दबाब दिनको लागि नेकपा विप्लव समुहले गरेको कुरा सगरमाथा ब्युरोका सचिव चन्द्र बुढाथोकीले फोन मार्फत बताएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया