काँग्रेस केन्द्रीय समिति बैठकमा गगन थापा सहभागी हुने

काठमाडौं, ९ चैत्र । नेपाली कांग्रेसको भोलिको केन्द्रीय कार्यसमितिको बैठकमा सभापति गगनकुमार थापा पनि सहभागी हुने भएका छन्। २१ फागुनको निर्वाचनमा पार्टीले पराजय व्यहोरेपछि थापाले राजीनामा दिएका थिए । तर, हिजोको बैठकबाट थापाको राजीनामा अस्विकार भएको छ । सभापति थापाले नै भोलिको बैठकको सभापतित्व गर्ने भएका छन् ।

शेरबहादुर देउवा र शेखर कोइराला समूहले समानान्तर गतिविधि थालेपछि थापा समूह थप सक्रिय भएको हो । देउवा समूहले विशेष महाधिवेशनबाट निर्वाचित कार्यसमितिलाई मान्यता दिएको छैन । पार्टीको आधिकारिकताको विवाद पनि अदालतमा विचाराधिन भएकोले देउवाले समूहले समानान्तर गतिविधि बढाएको हो ।

देउवा–कोइराला समूहका नेताहरुले यसबारेमा सार्वजनिक रुपमै बोल्न थालेपछि थापाको कार्यसमितिले भोलिको लागि बैठक बोलाएको हो । भोलिको बैठकमा १५औं महाधिवेशनको कार्यतालिका ल्याउने बताईएको छ । कतिपयले आगामी बैशाखमै १५औं महाधिवेशन गरिनुपर्ने बताएपनि समय अभावको कारण आगामी भदौभित्रै महाधिवेशन सम्पन्न गर्नेगरि कार्यतालिका ल्याउन लागिएको छ ।