काँग्रेसमा विशेष महाधिवेशन वैधानिक ठहर, गगन थापा नेतृत्व आधिकारिक (संक्षिप्त आदेशसहित)

काठमाडौं, ४ वैशाख। सर्वोच्च अदालतले नेपाली कांग्रेसको विशेष महाधिवेशनलाई वैधानिक ठहर गर्दै गगन थापा नेतृत्वको केन्द्रीय कार्यसमितिलाई आधिकारिकता प्रदान गरेको छ।

शेरबहादुर देउवासहित दुई जनाले निर्वाचन आयोगलगायत चार जनालाई विपक्षी बनाउँदै दायर गरेको रिट निवेदन अदालतले खारेज गरेको हो।

उक्त रिटमाथि न्यायाधीशद्वय शारङ्गा सुवेदी र नृपध्वज निरौलाको संयुक्त इजलासमा गत बिहीबारदेखि सुनुवाइ भइरहेको थियो। अन्ततः सर्वोच्चले निर्वाचन आयोगको निर्णयलाई नै सदर गर्दै गगन थापा नेतृत्वलाई आधिकारिकता दिएको हो।

यस निर्णयसँगै लामो समयदेखि जारी रहेको नेपाली कांग्रेसभित्रको आधिकारिकता विवाद अन्त्यतिर पुगेको छ भने आधिकारिकताको दाबी गर्दै आएको देउवा पक्षलाई ठूलो झट्का लागेको छ।

अदालतको यस फैसलाले कांग्रेसको आन्तरिक शक्ति सन्तुलनमा महत्वपूर्ण प्रभाव पार्ने अपेक्षा गरिएको छ। साथै, आगामी संगठनात्मक गतिविधि र महाधिवेशन प्रक्रियामा पनि यसको प्रत्यक्ष असर पर्ने देखिएको छ।

संक्षिप्त फैसलाको पूर्णपाठ हेर्नुहोस्ः