प्रतिनिधि सभामा दुई विधेयक पेस, अर्को बैठक बिहीबार

काठमाडौं । प्रतिनिधि सभाको बैठकमा दुई वटा विधेयक प्रस्तुत गरिएको छ।

आज बसेको प्रतिनिधि सभाको बैठकमा प्रधानमन्त्री बालेन शाहको तर्फबाट कानून, न्याय तथा संसदीय मामिला मन्त्री सोविता गौतमले विधेयक पेस गरेकी हुन्।

प्रतिनिधि सभा सदस्य निर्वाचन (पहिलो संशोधन) विधेयक, २०८३ र मतदाता नामावली (पहिलो संशोधन) विधेयक, २०८३ लाई सदनमा पेस गरेकी हुन्।

दुई वटा विधेयक पेस भएसँगै प्रतिनिधि सभाको बैठक आजको लागि स्थगित गरिएको छ। अर्को बैठक बिहीबार बिहान ११ बजे बस्ने सभामुख डीपी अर्यालले जानकारी गराए।