तारकेश्वर विद्याकुञ्ज इंग्लिस स्कुलको छत खस्दा ३५ विद्यार्थी घाइते

काठमाडौं । काठमाडौँको तारकेश्वर नगरपालिका– ३ स्थित जितपुरफेदीमा रहेको तारकेश्वर विद्याकुञ्ज इंग्लिस स्कुलको छत खस्दा ३५ विद्यार्थी घाइते भएका छन्।

विद्यालयमा निबन्ध प्रतियोगिताको कार्यक्रम चलिरहँदा उक्त घटना भएको हो। विद्यार्थीहरु हलमा जम्मा भएको बेला लोड थाम्न नसकी खसेको थियो।

बुधबार दिउँसो २:२५ बजे स्कुलको छत खसेको महानगरीय प्रहरी वृत्त बालाजुले जानकारी दिएको छ।

घाइते विद्यार्थीलाई उपचारका लागि तत्कालै वसुन्धारामा रहेको ग्रिनसिटी अस्पतालमा लगिएको थियो। हाल घाइते विद्यार्थीको अवस्था सामान्य रहेको छ।