असोज १४, २०८३ बुधबार
September 30, 2026
न्युज डेस्क
२०७६ कार्तिक १०, आइतबार
काठमाडौं । सिन्धुपाल्चोकको लामोसाँघुमा रहेको विद्युत सबस्टेशनमा आगलागी भएको छ ।
नेपाल आर्मी, सशस्त्र प्रहरी नेपाल प्रहरी स्थानीय र चौतारा नगरपालिकाको दमकलको सहायताले आगलागी नियन्त्रण प्रयास भइरहेको जिल्ला प्रहरी कार्यालय सिन्धुपाल्चोकका प्रमुख, एसपी प्रज्वल महर्जनले बताएका छन ।
सबस्टेशनमा रहेको तेलमा समेत आगलागी भएकोले नियन्त्रणमा कठिनाइ भएको उनले बताएका छन ।
सबस्टेशनको ३० एमभीए क्षमताको बुसिङमा आगो लागेपछि घटना भएको प्राधिकरणले बताएको छ । आगलागीका कारण चरिकोटमा अहिले विद्युत काटिए पनि वैकल्पिक व्यवस्था गरेर आधा घण्टाभित्र सेवा सुचारु गर्ने प्राधिकरणले बताएको छ ।
यो सबस्टेशनमा आगलागी भएपछि ३ मेगावाटको भैरवकुण्ड , ४।३ मेगावाटको बरम्ची र सिप्रिङखोला आयोजना ७।६ मेगावाट विजुली सिस्टमबाट बाहिरिएको छ । १६ मेगावाट सिस्टमबाट बाहिरिए पनि वैकल्पिक व्यवस्था गरेर सो क्षेत्रको लक्ष्मीपूजामा लाइन नजाने व्यवस्था गरिने भएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया