माघ १५, २०७९ आइतबार January 29, 2023

विश्वभरिका पोषण अभियन्ता नेपालमा, काठमाडौं घोषणापत्र जारी

शेयर गर्नुहोस:
फन्ट परिवर्तन गर्नुहोस:

काठमाडौँ । पोषण सेवा विस्तार अभियानसम्बन्धी विश्व सम्मेलन बिहीबार काठमाडौँमा सम्पन्न भएको छ । संयुक्त राष्ट्रसंघको पोषण सेवा विस्तार अभियान (सन मुभमेन्ट) सचिवालय र राष्ट्रिय योजना आयोगको संयुक्त आयोजनामा चार दिन अगाडि सो कार्यक्रम सुरु भएको थियो ।

कार्यक्रम समापन गर्दै नेपाल सरकारका तर्फबाट उपप्रधान तथा स्वास्थ्यमन्त्री उपेन्द्र यादवले जापान सरकारका प्रतिनिधि, नेपालका लागि जापानी राजदूत मासामिचि साइगोलाई काठमाडौँ घोषणापत्र हस्तान्तरण गरेका छन ।

अभियानसम्बन्धी आगामी विश्व सम्मेलन आगामी हिउँदमा टोकियोमा हुने भएकाले सो घोषणापत्र जापानलाई हस्तान्तरण गरिएको हो ।

समापन समारोहमा बोल्दै उपप्रधानमन्त्री यादवले नेपाल सरकार आफ्ना विभिन्न नीतिनियम तथा कार्यक्रमहरू मार्फत् नेपाली बालबालिकाको पोषण स्तर अभिवृद्धि गर्न प्रतिबद्ध रहेको बताएका छन ।

संविधानले नै स्वास्थ्यलाई मौलिक हक मानेको उल्लेख गर्दै यादवले अन्य देशहरूमा पनि अझ बलियो बहुपक्षीय पोषण योजना हुनुपर्ने औल्याएका छन ।

यसैगरी अर्थमन्त्री डा. युवराज खतिवडाले बालबालिकाको पोषण दिगो विकास लक्ष्यका सबै बुँदासँग प्रत्यक्ष गाँसिएको उल्लेख गर्दै अभियन्ताहरू प्राप्त उपलब्धि नगुमून् भन्ने कुरामा सचेत हुनुपर्ने बताएका छन । उनले थपे, ‘आगामी पुस्ता अझ स्वस्थ र प्रतिभाशाली होस् भन्ने कुरा हामीले सुनिश्चित गर्नुपर्छ ।’

राष्ट्रसङ्घकी सहायक महासचिव तथा पोषण अभियान संयोजक गेर्डा भेनबर्गले सम्मेलनका सहभागीहरूलाई आआफ्ना देशमा फर्किएर अझ सक्रियताका साथ काम गर्न आग्रह गरिन् ।

सम्मेलनमा करिब ७० देशका सरकारी, गैरसरकारी, निजी क्षेत्र तथा नागरिक समाजका एक हजारभन्दा बढी प्रतिनिधि सहभागी थिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
प्रधानमन्त्रीले सूचनाको हकसम्बन्धी विषयमा सरोकारवाला पक्षसँग छलफल गर्नुहुने
२०७९ माघ १५, आइतबार
गृहमन्त्रालय नछाड्ने रास्वपाको निष्कर्ष
२०७९ माघ १५, आइतबार
प्रधानमन्त्री पुष्पकमल दाहाल प्रचण्ड र एमाले अध्यक्ष केपी ओलीबीच भेटवार्ता
२०७९ माघ १५, आइतबार
रबि लामिछानेलाई राष्ट्रिय स्वतन्त्र पार्टी अध्यक्षको जिम्मेवारी
२०७९ माघ १५, आइतबार
रवि लामिछानेले पुनः लिए नेपाली नागरिकताको प्रमाणपत्र
२०७९ माघ १५, आइतबार
काठमाण्डाैं शिक्षा क्याम्पस सञ्चालक समितिको अध्यक्षमा प्रा.डा.भट्टराई चयन
२०७९ माघ १५, आइतबार
महिला अधिकारका लागि सामाजिक चेतना र जागरण जरूरी : प्रधानमन्त्री
२०७९ माघ १५, आइतबार