बैसाख २०, २०८३ आइतबार
May 3, 2026
न्युज डेस्क
२०७६ फागुण १४, बुधबार
काठमाडौं । करिब १५ लाख ५० हजार रुपैयाँ मूल्य बराबरको २ सय ३३ ग्राम सुनसहित २ जनालाई मंगलबार प्रहरीले पक्राउ गरेको छ। लहान नगरपालिका-१९ छर्रापट्टीबाट अवैध रुपमा लुकाइछिपाई लैजाँदै गरेको अवस्थामा पक्राउ गरिएको प्रहरीले जनाएको छ।
पक्राउ पर्नेहरुमा लहान नगरपालिका-१९ छर्रापट्टी बस्ने २४ वर्षीय मो.मोतीउल रहमान र सोही ठाउँ बस्ने २१ वर्षीय मो.मुर्तुजा रहेका छन्।
काठमाडौं देखि लहानको खाडी चल्ने ना.४ ख ९३५७ नम्बरको बसबाट ओर्लिई को.३८ प २६३२ नम्बरको मोटरसाइकलमा भाग्दै गरेको अवस्थामा ईलाका प्रहरी कार्यालय लहानबाट खटिएको प्रहरीले उक्त परिमाणको सुन सहित फेला पारी मोटरसाइकल चालक रहमान र मोटरसाइकलमा सवार मुर्तुजालाई पक्राउ गरेको हो।
पक्राउ अभियुक्तलाई बरामद सुनसहित भन्सार कार्यालय खाडीमा बुझाइएको ईलाका प्रहरी कार्यालय लहानले जनाएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया