असोज १९, २०८३ सोमबार
October 5, 2026
न्युज डेस्क
२०७६ चैत्र २६, बुधबार
कञ्चनपुर । कञ्चनपुरको शुक्लाफाँटा नगरपालिका वडा नम्बर ११ कलुवापुरमा गहुँ थ्रेसिङ गर्ने क्रममा थ्रेसरको पट्टामा बेरिएर एक युवतीको मृत्यु भएको छ ।
जिल्ला प्रहरी कार्यालय कञ्चनपुरका अनुसार, मंगलबार साँझ कलुवापुरकी २२ वर्षीया रेवती पाण्डेय जोशीले प्रयोग गरेको चुन्नी (दोपट्टा) गहुँ थ्रेसिङ गर्ने क्रममा थ्रेसरको पट्टामा बेरिँदा उनको टाउकोमा गम्भीर चोट लागेको थियो ।
उपचारका लागि कैलालीको धनगढीस्थित निसर्ग हस्पिटल पुर्याइए पनि उपचार सम्भव नभएपछि रेवतीलाई थप उपचारका लागि कोहलपुरतर्फ पठाइएको थियो ।
यद्यपि उनको बाटोमै निधन भएको जिल्ला प्रहरी कार्यालय कञ्चनपुरका प्रवक्ता एवं प्रहरी नायव उपरीक्षक रविन्द्र नाथ पौडेलले जानकारी दिएका छन ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया