पोखरामा नग्न अवस्थामा ड्रोन उडाउने तीन जना चिनियाँ पर्यटक पक्राउ

काठमाण्डाैंः कास्कीको पोखरा स्थित फेवातालमा आफु खुसी डुङा लगि नग्न अवस्थामा ड्रोन उडाउने तीन जना चिनियाँ पर्यटकलाई कास्की प्रहरीले पक्राउ गरेको छ ।

पोखरा महानगरपालिका वडा नं.- ६ बैदामम रहेको तालबराही मन्दिरमा चिनियाँ पर्यटकले आफु खुसी डुङ्गा लगि पौडी खेली ड्रोन उडाएका थिए । उनिहरुलाई वडा प्रहरी कार्यालय बैदामबाट खट्टिइ गएको प्रहरी निरिक्षक बुद्धि बहादुर पुरि नेतृत्वको टोलिले पक्राउ गरेको हो ।

पक्राउ पर्ने तिनै जना पर्यटक भिषामा नेपालमा रहेका पुरुष रहेको कास्की प्रहरीले जानकारी दिएको छ । पक्राउ पर्नेमा ६१ वर्षीय हाङ यु, २८ वर्षीय उ ह्वाङ र ३६ वर्षीय यङ हेन्यु रहेका छन् ।