भाद्र ३, २०८३ बुधबार
August 19, 2026
न्युज डेस्क
२०७७ जेठ २, शुक्रबार
मेलम्ची । सिन्धुपाल्चोकको त्रिपुरासुन्दरी गाँउपालिका वडा नं.३ धुस्कुनमा पच्चीस शैयाको सुविधा सम्पन्न क्वारेन्टाईन स्थापना भएको छ । लिवर्ड नामक गैरसरकारी संस्थाको दुई लाख र स्थानीयहरुको केही रकम संकलन गरेर क्वारेन्टाईन निर्माण गरिएको वडा अध्यक्ष शुकदेब रिसालले जानकारी दिएका छन ।
१० वटा हस्पिटल बेड र १५ वटा सामान्य बेड रहेको क्वारेन्टाईन निर्माण गरिएको हो । महिला, पुरुषको लागी छट्टाछुट्टै शौचालय, ठुलो कोठा, सोलार बत्ती, भान्छाको व्यवस्था सहित सुविधा सम्पन्न क्वारेनटाईन निर्माण भएको रिसालले जानकारी दिएका छन ।
खानेपानीको सुविधा र वस्तीबाट क्वारेनटाईन केही टाढा रहेको छ । कोरोना संक्रमण बढ्दै गएकाले क्वारेनटाईन स्थापना गरिएको र अहिलेसम्म क्वारेनटाईनमा कोही नरहेको वडाले जानकारी दिएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया