लगानी बोर्डको सीईओका लागि दरखास्त आह्वान

काठमाडौं । सरकारले लगानी बोर्डको (प्रमुख कार्यकारी अधिकृत) सीईओ नियुक्तिका लागि प्रक्रिया शुरु गरेको छ ।

बोर्डका तत्कालिन सीईओ महाप्रसाद अधिकारीलाई सरकारले नेपाल राष्ट्र बैंकको गभर्नरमा नियुक्त गरेपछि बोर्डको सीईओ पद रिक्त थियो ।

रिक्त सीईओ पदपुर्तिका प्रतिष्पर्धाका आधारमा नियुक्त गर्ने भन्दै सरकारले सार्वजनिक सूचना निकाल्दै दरखास्त आह्वान गरेको छ ।

सार्वजनिक–निजी साझेदारी तथा लगानी ऐन, २०७५ को दफा १२ बमोजिम योग्यता पुगेकालाई १५दिन भित्र सिलबन्दी दरखास्त निवेदन पेश गर्न पदपुर्ति सिफारिस समितिले आग्रह गरेको छ ।

योग्यता पुगेकाले आजको मितिबाट १५ दिनभित्र प्रधानमन्त्री तथा मन्त्रिपरिषद्को कार्यालयमा रहेको पदपुर्ति सिफारिस समितिको सचिवालयमा निवेदन पेश गर्नु पर्नेछ । प्राप्त निवेदनबाट समितिले ३ जनाको नाम सरकारलाई सिफारिस गर्ने र मन्त्रिपरिषद् बैठकले एक जनालाई लगानी बोर्डकोसीईओमा नियुक्त गर्नेछ ।