शशिविक्रम थापाको राष्ट्रप्रेमले भरिएको गितिएल्वम “नालापानी र कालापानी अतिक्रमित” सार्वजनिक

काठमाडौंः गायक शशिविक्रम थापाको नालापानी र कालापानी अतिक्रमित गितिएल्वम  सार्वजनिक गरिएको छ ।

गायक शशिविक्रम थापाको पछिल्लो पटक राष्ट्रप्रेमले भरिएको गीत नालापानी दुख्यो साथी कालापानी दुख्यो…गीत दर्शक श्रोतामाझ ल्याएका हुन् । थापाको गीतलाई जानकी बज्राचार्यले लेखेकी छन् भने पुरुषोत्तम न्यौपानेले संगीत दिएका छन् ।

काठमाडौंमा एक भेटघाट कार्यक्रमबीच गायक थापाले यो गीत सार्वजनिक गरेका छन् । सामाजिक दूरी कायम गर्दै यो गीतलाई वरिष्ठ नाट्यकर्मी एवं कलाकार मदनदास श्रेष्ठ, नेपाली कांग्रेस दोलखाका सभापति रुद्रबहादुर खड्का, कलाकार प्रभाकरदेव शर्मालगायतले सार्वजनिक गरे ।

कालापानी, लिपुलेख, लिम्पियाधुरा र सुस्तालगायतका क्षेत्रमा छिमेकीद्वारा मिचिएको सिमानाका विषयमा तयार गरिएको गीतको भिडियो पनि सोही क्रममा सार्वजनिक गरियो । यस्ता गीतले नेपालीमा एकता र देशप्रेमको भावना जागरुक गराउने कलाकार मदनदासले बताए ।

भिडियोको निर्देशन गायक शशिविक्रम थापाले स्वयंले गरेका छन् । जसमा प्रेम शर्मा पौडेलको सम्पादन, केशव अधिकारीको छायांकन छ भने भिडियोमा गीतकार जानकी बज्राचार्यसँगै बुद्ध श्रेष्ठ, बलराम कार्की, प्रकाश खत्री, विक्रम आचार्य, नवराज मैनाली लगायतको अभिनय रहेको छ ।