एमाले केन्द्रीय कमिटी बैठक आजदेखि शुरु

काठमाडौंं,२६ पुस । नेकपा (एमाले)को केन्द्रीय कमिटी बैठक आजदेखि शुरू हुँदैछ । ११औँ राष्ट्रिय महाधिवेशनपछि पुस ४ गते बसेको पहिलो केन्द्रीय कमिटीले नै दोस्रो केन्द्रीय कमिटी बैठक बस्ने मिति पुस २६,२७ र २८ गतेलाई तय गरे अनुसार आजबाट बस्न लागिएको हो । बैठक ललितपुरको मेजेस्टिक ग्रेन्ड पार्टी प्यालेसमा बिहान ११ बजेबाट बस्नेछ ।

बैठकमा आगामी फागुन २१ गते हुने प्रतिनिधिसभा निर्वाचन तयारीका विषयमा छलफल हुनेछ । सचिवालयले प्रदेश संयोजनको जिम्मेवारीसहित जिल्ला संयोजनको काम टुङ्ग्याएकाले तीसँग सम्बन्धित विषय अनुमोदन हुने बताइएको छ । साथै विविध विषयमा छलफल हुने बताइएको छ ।