गगन थापा पक्षलाई निर्वाचन आयोगले दियो आधिकारिक कांग्रेसको मान्यता

काठमाडौं, २ माघ । निर्वाचन आयोगले विशेष महाधिवेशनबाट निवाचित भएका सभापति गगनकुमार थापा नेतृत्वको कार्यसमितिलाई आधिकारिकता प्रदान गरेको छ ।

आज (शुक्रबार) बसेको आयोगको बैठकले थापा नेतृत्वको कांग्रेसको कार्यसमितिलाई अध्यावधिक गर्ने निर्णय गरेको स्रोतको दाबी छ । योसँगै नेपाली कांग्रेसको चुनाव चिन्ह, चारतारे झण्डासहित आधिकारिक पार्टी सभापति थापा बनेका छन् ।

योसँगै शेरबहादुर देउवा नेतृत्वको कार्यसमिति अब पार्टीविहीन अवस्थामा पुगेको छ । आधिकारिक निर्णय आयोगले केहीबेरमा सुनाउने बताइएको छ ।