एनसेलमा १० रूपैयाँमा रातभरी कुराकानी गर्न पाइने नाइट भ्वाइस प्याक सार्वजनिक  

काठमाण्डौः एनसेलका प्रिपेड ग्राहकहरूले अब एनसेल नेटवर्कभित्र सस्तो दरमा कुराकानी गर्न पाउने भएका छन् ।

एनसेलले विज्ञप्ति जारी गर्दै आफ्ना साथीभाई तथा आफन्तसँग रातिको समयमा अझै सुलभ दरमा असिमित कुराकानी गर्न सक्ने जनाएको छ ।

एनसेल प्राइभेट लिमिटेडले ‘अनलिमिटेड नाइट भ्वाइस प्याक’ स्किम ल्याएको छ। यसमा एनसेल नेटवर्कभित्र रहेकाहरूसँग बेलुका १० बजेदेखि विहान ६ बजेसम्म १० रूपैयाँमा असीमित कुराकानी गर्न सक्ने छन्।

यो अनलिमिटेड नाइट भ्वाइस प्याक बिहीबारदेखि संचालनमा आउने छ। यो प्याक सुचारू गर्न चाहनेले ८१७११८८३३  डायल गरि प्याक सुचारू गर्न सक्छन् ।

त्यस्तै एसएमएस मार्फत यो प्याक सुचारू गर्न ग्राहकले अंग्रेजीको ठूलो अक्षर ‘एनयु’ टाइप गरि १७११८ मा एसएमएस पठाउन सक्ने विज्ञप्तिमा उल्लेख छ । प्याक सुचारू गरेपछि २४ घण्टाको लागि मान्य हुनेछ।  यो स्किम चैत ४ गतेसम्म संचालनमा रहने छ।