कालीमाटी तरकारी बजारको समस्या मसाधान गर्न समिति गठन

काठमाडौं । बिचौलिया तथा व्यापारीहरुको मनोमानी रहँदै आएको कालीमाटी तरकारी तथा फलफुल बजारभित्रको समस्या समाधान गर्न सरकारले एक समिति गठन गरेको छ ।

सरकारले बजारमा देखिएका समस्या समाधान गर्न पाँच सदस्यीय सुझाव समिति गठन गरेको जनाइएको छ ।

उद्योग, वाणिज्य तथा आपूर्तिमन्त्री मातृका यादवले आपूर्ति मन्त्रालयका सहसचिव एवं प्रवक्तानवराज ढकालको संयोजकत्वमा कृषि तथा पशुपक्षी विकास र गृह मन्त्रालय तथा कालीमाटीफलफूल तथा तरकारी बजार विकास समितिका प्रतिनिधिलगायत सदस्य रहने समिति गठनगर्नुभएको हो ।

समितिलाई पाँच दिनभित्र तरकारी तथा फलफूल बजारलाई व्यवस्थित गरी उत्पादकर उपभोक्ता बीचको दूरी कम गर्न सकिने उपायबारे सुझावसहितको अध्ययन प्रतिवेदन पेश गर्नेजिम्मेवारी दिइएको छ ।

समितिले सरोकारवाला निकायसँग छलफल गरेर पाँच दिन भित्र निकास निकाल्नुपर्ने जिम्मेवारी दिइएको छ । विगतदेखि ने कालीमाटीमा व्यवसाीहरुको मनोमानी चल्दैआएको छ ।

किसानस्ँग सस्तोमा किन्ने र उपभोक्तालाई महंगोमा बेच्ने गरेपनि सरकारले उनीहरुलाई कारबाही गर्न सकेको छैन । कतिपयले सरकारलाई पाँच हजार राजश्व तिरेर आफुले त्यहिठाउँलाई एक लाख सम्ममा भाडामा लगाउने गरेका छन् ।

यसबारे विगतमा पनि कुरा उठेकोभएपनि सरकारले समस्या समाधान गर्न सकेको छैन । सरकारी ठाउँमा वर्षौदेखि एउटै व्यापारिलेआफ्नो व्यक्तिगत जमिन जसरी प्रयोग गरिरहेका छन् ।