गोबिन्दबहादुर कार्कीलाई नयाँ मुख्य सचिवमा नियुक्त गर्ने सरकारको निर्णय

काठमाडौं, २४ असार । बालेन्द्र शाह नेतृत्वको सरकारले वरिष्ठ प्रशासक गोविन्दबहादुर कार्की लाई नेपाल सरकारको मुख्यसचिव नियुक्त गरेको छ। बुधबार बसेको मन्त्रिपरिषद् बैठकले कार्कीलाई मुख्यसचिव नियुक्त गर्ने निर्णय गरेको हो।

सरकारका प्रवक्तासमेत रहेका शिक्षा मन्त्री सस्मित पोखरेलले मन्त्रिपरिषद् बैठकका निर्णय सार्वजनिक गर्दै कार्कीलाई मुख्यसचिव नियुक्त गरिएको जानकारी दिए। उनका अनुसार प्रशासनिक नेतृत्वलाई थप प्रभावकारी, उत्तरदायी र परिणाममुखी बनाउने उद्देश्यका साथ सरकारले उक्त निर्णय गरेको हो।

नवनियुक्त मुख्यसचिव कार्की यसअघि प्रधानमन्त्री तथा मन्त्रिपरिषद्को कार्यालयका सचिव का रूपमा कार्यरत थिए। लामो समय निजामती प्रशासनमा काम गरेका कार्कीले विभिन्न मन्त्रालय तथा सरकारी निकायमा सचिव र उच्च प्रशासनिक जिम्मेवारी सम्हालिसकेका छन्।

मुख्यसचिव नेपाल सरकारको निजामती प्रशासनको सर्वोच्च पद हो। मुख्यसचिवले मन्त्रालयहरूबीच समन्वय गर्ने, मन्त्रिपरिषद्का निर्णय कार्यान्वयनमा सहजीकरण गर्ने, सार्वजनिक प्रशासनलाई प्रभावकारी बनाउने तथा सरकारी नीतिको कार्यान्वयनमा नेतृत्वदायी भूमिका निर्वाह गर्ने जिम्मेवारी पाउँछन्।