अठार वर्षीय सुत्केरीको हेलिकप्टरद्धारा उद्धार

काठमाण्डौ: कास्कीबाट कामको सिलसिलामा मुस्ताङको जोमसोममा मजदुरी गर्ने १८ वर्षीया आईकुमारी बिकलाई शुक्रबार अपराह्न ६ बजे हेलिकप्टर मार्फत उद्दार गरिएको छ ।

कास्कीको अन्नपूर्ण गाउँपालिका- ६ स्थायी घर भइ जोमसोममा मजदुरी गर्ने बिक सुत्केरी हुन नसकेपछि मुस्ताङका प्रमुख जिल्ला अधिकारी वेदप्रसाद अर्यालको पहलमा हेलिकप्टर मार्फत उद्दार गरिएको हो ।

१८ वर्षीया सुत्केरी बिकको ७ महिनाको गर्भमै शुक्रबार सुत्केरी व्यथा लागेकोले मुस्ताङका प्रजिअको सहकार्यमा निज सुत्केरीलाई उद्वार गरिएको प्रशासन श्रोतले जनाएको छ ।