असोज ८, २०८३ बिहिबार
September 24, 2026
युग खबर
२०८३ असोज ८, बिहिबार
काठमाडौँ । केन्द्रीय कमिटीको तेस्रो बैठककै बीचमा एमालेको सचिवालय बैठक अहिले बिहान १० बजे पार्टी केन्द्रीय कार्यालय च्यासलमा बस्दैछ ।
बैठक सकिएपछि दिउँसो १२ः३० देखि बस्ने गरी केन्द्रीय कमिटीको बैठक शुरू हुने भएको छ ।
प्रचार विभाग प्रमुख नीरज आचार्यका अनुसार नेताहरूको कार्यविभाजन प्रस्ताव सचिवालयबाट पारित गरिने र केन्द्रीय कमिटीमा पेश गर्ने प्रयोजनका लागि सचिवालय बैठक बस्न लागेको हो ।
एमालेको ११ औं महाधिवेशनपछि केन्द्रीय कमिटीको कार्यविभाजन हुन सकेको थिएन ।
सचिवालय बैठकले स्थायी कमिटी, पोलिट्ब्यूरो सदस्य टुंगो लगाउँदैछ । त्यससँगै विभिन्न विभागलाई पूर्णता दिने, विभिन्न भौगोलिक तथा गैरभौगोलिक कमिटीमा सहइञ्चार्जहरु तोक्ने बैठकको कार्यसूची छ ।
निर्वाचन समीक्षा प्रतिवेदनका सुझावबमोजिम केही पार्टी कमिटी, जनसंगठनका विषयमा पनि बैठकमा छलफल हुने भएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया