मन्त्रीपरिषद्को बैठक सम्पन्न

काठमाण्डौ: नेपाल सरकार मन्त्रीपरिषद्को बैठक बालुवाटारमा सम्पन्न भएको छ ।

प्रधानमन्त्री केपी शर्मा ओलीको अध्यक्षतामा बिहीबार साँझ बसेको बैठकले चिनिया राष्ट्रपति सि जिनपिङ्गको राजकिय भ्रमणलाइ लक्षित गरी विभिन्न निर्णयहरु गरेको बताइएको छ ।

बैठकले गरेका निर्णयहरूलाई गोप्य राखिएको छ । बिहिबारको बैठकले गरेका निर्णयहरू आगामी बिहिबार पत्रकार सम्मेलन मार्फत सार्वजनिक गरिनेछ ।

बैठकमा उपप्रधान एवं रक्षामन्त्री ईश्वर पोखरेल, गृहमन्त्री राम बहादुर थापा बादल, सञ्चारमन्त्री गोकुल बाँस्कोटा, शिक्षा मन्त्री गिरिराजमणि पोख्रेल, कानुनमन्त्री भानुभक्त ढकाल लगायतको उपस्थिति रहेको थियो ।