प्रधानमन्त्री ओलीद्धारा निर्वाचन आयोगका पदाधिकारीसँग छलफल

काठमाण्डौंः प्रधानमन्त्री केपी शर्मा ओलीले आगामी बैशाखमा हुने निर्वाचनबारे परामर्श सुरु गरेका छन् ।

प्रधानमन्त्री अ‍ोलीले अपरान्ह प्रधानमन्त्री निवाश बालुवाटारमा निर्वाचन आयोगका प्रमुख लगायत आयोगका सदस्यहरूसँग नयाँ निर्वाचन सम्बन्धमा छलफल गरेका हुन् ।

प्रमुख आयुक्त र आयोगका पदाधिकारीहरुसँग निर्वाचनका भावी निर्वाचनका विषयमा छलफल भएको प्रधानमन्त्रीका प्रेस सल्लाहकार सूर्य थापाले जानकारी दिए ।

आइतबार मन्त्रिपरिषद्को सिफारिसमा राष्ट्रपति विद्यादेवी भण्डारीले संसद विघटन गरेकी थिइन् । राष्ट्रपति भण्डारीले २०७८ बैशाख १७ मा पहिलो चरण र २७ मा दोस्रो चरणको प्रतिनिधि सभाको निर्वाचनको मिति तोकेकी छन् ।