जेठ ५, २०८१ शनिबार May 18, 2024

कांग्रेसमा उपनिर्वाचनअघि नेविसंघ र विभाग गठनको विषयले टुंगो नपाउने

शेयर गर्नुहोस:
फन्ट परिवर्तन गर्नुहोस:

काठमाडौं । ४ मंसिरमा हुने उपनिर्वाचनअघि कांग्रेसमा नेविसंघको तदर्थ समिति र विभाग गठनको विषयले टुंगो नपाउने भएको छ । प्रवक्ता विश्वप्रकाश शर्माले सात महिनादेखि खाली रहेको नेविसंघ र अहिलेसम्म बन्न नसकेका विभागको विषय उपनिर्वाचनपछि मात्रै टुंगिने जानकारी दिएका छन ।

‘हाम्रो अबको सबै ध्यान उपनिर्वाचनमा कांग्रेसलाई सफल बनाउनका लागि हुनेछ,’ प्रवक्ता विश्वप्रकाश शर्माले नयाँ पत्रिकासित भने, ‘त्यसैले आन्तरिक विषयमा अब उपनिर्वाचनपछि मात्रै टुंग्याउने गरी अघि बढ्छौँ ।’

नियमित र थप गरिएको समयमा पनि १२औँ महाधिवेशन हुन नसकेपछि अध्यक्ष नैनसिंह महरले राजीनामा दिएपछि नेविसंघमा तदर्थ समिति गठन गरेर महाधिवेशन गर्ने सहज विकल्प कांग्रेस नेतृत्वलाई थियो । तर, ३२ वर्षमुनिको वा माथिको नेतृत्वको विवादले नै नेविसंघको विषय अलपत्र पर्दै आएको छ ।

दुई साताअघि सभापति शेरबहादुर देउवाले नेता रामचन्द्र पौडेल र कृष्णप्रसाद सिटौला पक्षलाई आफूले अध्यक्ष बनाउने भन्दै केही पदाधिकारीको नाम दिन आग्रह गरेका थिए । तर, झन्डै ५० वर्ष उमेर पुग्न लागेको नेताको अध्यक्षतामा तदर्थ समिति गठन हुन लागेको भन्दै यस्तो तयारीमा विवाद हुन पुग्यो ।

सभापति देउवाले २८ विभागलाई फोरेर नेता कार्यकर्ता व्यवस्थापन गर्न खोजेको भन्दै अर्को पक्षले असन्तुष्टि जनाएपछि देउवालाई असजिलो परेको हो । नियमित विभाग नै चार वर्षसम्म गठन नगर्ने तर महाधिवेशनको मुखमा विभाग फोरेर नेताहरूलाई आफ्नो प्रभावमा पार्न खोजेको भन्दै उनको यो प्रयासको पौडेल र सिटौला पक्षले विरोध गर्दैआएका छन् । विवादित विषयमा हात हाल्दा निर्वाचनमा गुटगत असन्तुष्टि देखिने भन्दै यो विषयलाई पनि उपनिर्वाचनसम्म थाती राख्ने सोचमा देउवा पुगेका हुन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
गौतम गम्भीरलाई भारतको राष्ट्रिय क्रिकेट टिमको नयाँ प्रशिक्षक बनाउने पहल
२०८१ जेठ ५, शनिबार
कम्युनिस्ट गठबन्धनको आचरणले लोकतन्त्र खतरामा छ : नेता विष्ट
२०८१ जेठ ५, शनिबार
प्रधानमन्त्री दाहाल र कांग्रेसका नेताहरूबीच छलफल : संसदीय छानबिन समिति बनाउन सकारात्मक
२०८१ जेठ ५, शनिबार
शिक्षा सुधार प्रस्तावको आधारमा प्रधानाध्यापक नियुक्ति
२०८१ जेठ ५, शनिबार
गृहद्वारा अध्यागमनलाई व्यवस्थित र जिम्मेवार बनाउन अधिकार प्रत्यायोजन
२०८१ जेठ ५, शनिबार
आइपिएलमा आज चेन्नई र रोयल च्यालेन्जर्सको भिडन्त, दुवै टिम जित्नैपर्ने दबाबमा
२०८१ जेठ ५, शनिबार
‘समिति’ अल्झनमा संसद्
२०८१ जेठ ५, शनिबार