बैशाख महिनाभर विद्यालय बन्द गर्ने मन्त्रिपरिषद्को निर्णय

काठमाडौंः सरकारले कोरोना भाइरस (कोभिड-१९) प्रभावित सहरी क्षेत्रका विद्यालय बन्द गर्ने निर्णय गरेको छ ।

सोमबार बिहान प्रधानमन्त्रीको सरकारी निवाश बालुवाटारमा बसेको मन्त्रिपरिषद् बैठकले विद्यालय बन्द गरी बैशाख महिनाभर अनलाइन कक्षा सञ्चालन गर्ने निर्णय गरेको हो ।

‘सहरी क्षेत्रका विद्यालय बन्द गरी अनलाइन कक्षा सञ्चालन गर्ने निर्णय भएको छ ,’ सरकारका प्रवक्ता समेत रहेका सुचना तथा प्रविधीमन्त्री पार्वत गुरुङले  बताए ।

स्वास्थ्य तथा जनसंख्या मन्त्रालयले कोरोना संक्रमणले अति प्रभावित भनी वर्गीकरण गरेका विभिन्न १४ जिल्लाका विद्यालय बन्द गर्नुपर्ने अवस्था रहेको बताएको थियो ।

काठमाडौं, ललितपुर, कास्की, रुपन्देही, चितवन, बाँके, पर्सा, भक्तपुर, कैलाली, मोरङ, दाङ, सुर्खेत, बारा, बागलुङलाई मन्त्रालयले अतिप्रभावित भनी वर्गीकरण गरेको थियो ।