मध्यपश्चिमाञ्चल विश्वविद्यालयकाे स्नातक तहको परीक्षा स्थगित

काठमाण्डौंः मध्यपश्चिमाञ्चल विश्वविद्यालयको परीक्षा व्यवस्थापन कार्यालय, वीरेन्द्रनगरले सत्रान्त परीक्षा स्थगित गर्ने निर्णय गरेको छ ।

नेपाल सरकार, कोभिड १९ संकट व्यवस्थापन सञ्चालनको हिजो बसेको बैठकबाट देशभरका विद्यालय तथा शिक्षालयहरुमा तय भएका पूर्वनिर्धारित सबै प्रकारका परीक्षाहरु अर्को आदेश नभए सम्मका लागि स्थगित गर्ने निर्णय भएकाले सोही अनुरुप मध्यपश्चिमाञ्चल विविका परीक्षा स्थगित भएको हो ।

मध्यपश्चिमाञ्चल विविले आजदेखी सञ्चालन हुने गरी तय गरेको विज्ञान तथा प्रविधि संकाय अन्तर्गत स्नातक तहको सत्रान्त परीक्षा पनि अर्को सूचना प्रकाशित नहुञ्जेल सम्मका लागि स्थगित गरिएको परीक्षा व्यवस्थापन प्रमुख डा. आनन्द प्रसाद सुवेदीले जानकारी दिएका छन् ।

साथै, सम्पूर्ण विद्यार्थीहरुलाई आ–आफ्नो परीक्षाको तयारीमा रही रहन पनि उनले आग्रह गरेका छन् ।