श्रावण २०, २०८३ बुधबार
August 5, 2026
युग खबर
२०८२ माघ २९, बिहिबार
काठमाडौं,२९ माघ । नेपाली कांग्रेस सोलुखुम्बुले काठमाडौंमा निर्बाचन लक्षित कार्यक्रमको आयोजना गर्ने भएको छ ।
आगामी फागुन २१ गते हुने प्रतिनिधि सभा निर्बाचनलाई लक्षित गर्दै कांग्रेसले फागुन २ गते भेटघाट तथा अन्तरक्रिया कार्यक्रमको आयोजना गरिने नेपाली कांग्रेस सोलुखुम्बुका सभापति नाम्गेल जाङ्बु शेर्पाले जानकारी दिए ।
नेपाली कांग्रेसबाट सोलुखुम्बुबाट प्रतिनिधिसभा सदस्य निर्वाचनमा प्रत्यक्षतर्फ प्रकाशसिंह कार्की तथा समानुपातिक तर्फ रिना उप्रेती र गीता गुरुङ छन् । पार्टीका उम्मेदवारहरुलाई बहुमतका साथ बिजयी गराउने उद्धेश्यले सो कार्यक्रमको आयोजना गरिएको सभापति शेर्पाको भनाई छ ।
नवदुर्गा पार्टी भेन्यु सुकेधारा हुने सो कार्यक्रममा सोलुखुम्बुबाट काठमाडौं आइ अस्थायी बसोबास गर्ने विभिन्न पेशा ब्यवसाय र रोजगारीमा संलग्न सम्पूर्ण मतदातासंग नेपाली कांग्रेस सोलुखुम्बुका नेताहरू र प्रस्तावित उमेदवारबीच भेटघाट,परिचय तथा अन्तरक्रिया गरिने निर्बाचन परिचालन मूल समितिका संयोजक समेत रहेका शेर्पाले बताए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया