श्रावण १४, २०८२ बुधबार
July 30, 2025
न्युज डेस्क
२०७६ कार्तिक ७, बिहिबार
काठमाडौं । नेपाली युवापुस्ता माझ चर्चित रहेका र्यापर भिटेन पक्राउ परेका छन्।
बिहीबार उनलाई जाउलाखेलबाट पक्राउ गरिएको महानगरीय प्रहरी अपराध महाशाखाले जनाएको छ।
भिटेनको चुरोट, कथा, हालखबर, सिमसिमे पानी, लाहुरेको फेसन जस्ता र्यापहरु नेपाली युवापुस्ता माझ निकै चर्चित छन्।
उनी भिटेन भनेर चिनिए पनि उनको नाम समिर घिसिङ हो।
उनले पछिल्लो समय ‘हामीयस्तै त हो नि ब्रो’ भन्ने गीत निकालेका थिए। जुन निकै चर्चित बनेको थियो।
सोही गीतमा भएका शब्दहरुमा आपत्ति जनाउँदै भिटेनलाई पक्राउ गरिएको महाशाखाले जानकारी दिएको छ।
उनले हालै नेपाल प्रहरीको असइको पोसाक लगाएर चुरोट खाइरहेको तस्बिर फेसबुकमा पोस्ट गरेका थिए। साथै गीतमा प्रहरीलाई डन्ठे भनेका थिए।
उनीमाथि कानून अनुसार अनुसन्धान हुने महाशाखाका प्रमुख एसएसपी सहकुल थापाले बताएका छन्।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया