चैत्र १५, २०८० बिहिबार March 28, 2024

लालपुर्जा देखाइ ठगी गर्ने चार जनाको समुह प्रहरी नियन्त्रणमा

शेयर गर्नुहोस:
फन्ट परिवर्तन गर्नुहोस:

काठमाण्डौः महानगरिय प्रहरी परिसर ललितपुरले लालपुर्जा देखाइ ठगी गर्ने चार जनाको समुहलाई प्रहरीले पक्राउ गरेको छ ।

मालपोत कार्यालय ललितपुरबाट जारी भएको भनी बिभिन्न व्यक्तिहरुको नाममा रहेको लालपुर्जा देखाई बिभिन्न व्यक्तिहरुलाई ठगी गर्ने समुहलाइ प्रहरीले काठमाण्डौ तथा ललितपुरका विभिन्न स्थानबाट पक्राउ गरेको हो ।

गोप्य सुचनाका आधारमा प्रहरीको टोलिले अनुसन्धान गर्ने क्रममा शुक्रबार उनीहरूलाइ काठमाण्डौ तथा ललितपुरबाट पक्राउ गरि आईतबार सार्वजनिक गरेको थियो ।

पक्राउ पर्नेहरूमा भक्तपुर जिल्ला सुर्यबिनायक नगरपालिका वडा नं. १ सिरुटार बस्ने ३७ वर्षीय सुष्मा श्रेष्ठ, काठमाण्डौ जिल्ला कामनपा वडा नं. २५ बाङ्गेमुडा बस्ने ४७ वर्षीय निर्मला श्रेष्ठ रहेकी छन् ।

यसैगरी काठमाण्डौ जिल्ला कामनपा वडा नं. १७ ठहिटि घर भई हाल सितापाइला बस्ने ३६ वर्षीय निलिमा श्रेष्ठ र ललितपुर जिल्ला महालक्ष्मी नगरपालिका वडा नं. १ ईमाडोल बस्ने वर्ष ४२ को निरज ताम्राकार रहेको ललितपुर प्रहरीले जनाएको छ ।

प्रहरीले निजहरुको साथबाट कम्प्युटर सेट, मोबाईल, बल्यु प्रिन्ट, ट्रेस नक्सा, जग्गा धनि प्रमाणपत्रमा प्रयोग हुने १० थान बाहिरि रातो कभर बरामद गरेको छ ।

यसैगरी किर्ते कागजहरु तयार गर्नको लागी प्रयोग गर्ने ४ थान रबर स्टयाम, स्याम प्याड, बिभिन्न व्यक्तिको नाममा रहेको १५ थान किर्ते लालपुर्जाहरु समेत प्रहरीले पक्राउ गरी सार्वजनिक गरेको थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया