प्रतिबन्धित विप्लव समुहका कोशी ब्यूरो संयोजक पुष्कर श्रेष्ठ सर्वोच्च परिसरबाट पक्राउ

काठमाण्डौः सर्वोच्च अदालतले नेत्रविक्रम चन्द विप्लव नेतृत्वको नेकपाका कोशी ब्यूरो संयोजक ‘पुष्कर’  भनिने घनश्याम श्रेष्ठलाई थुनामुक्त गर्न आदेश दिएको छ ।

सर्वोच्चका न्यायाधीशद्धय अनिल कुमार सिन्हा र सुष्मालता माथेमाको संयुक्त ईजलासले विप्लवका कोशी ब्यूरो संयोजक घनश्याम श्रेष्ठ ‘पुष्कर’ लाई थुनामुक्त गर्ने आदेश दिएको हो ।

सर्वोच्चको आदेश लगत्तै रिहा भएका घनश्याम श्रेष्ठ ‘पुष्कर’ लाई सर्बोच्च अदालतको गेट बाहिरबाट प्रहरीले पुनः पक्राउ गरेको हो ।

नेता श्रेष्ठ गत चैत १० गते राति सुनसरी र मोरङको सिमावर्ती क्षेत्रबाट प्रहरीले पक्राउ गरेको थियो ।