असार २४, २०८२ मंगलबार
July 8, 2025
न्युज डेस्क
२०७७ असार १८, बिहिबार
काठमाण्डाैंः प्रधानमन्त्री केपी शर्मा अोलीले आकस्मिकरुपमा मन्त्रिपरिष्द बैठक बोलाएका छन् । मध्यान्ह १२ बजे प्रधानमन्त्री निवास बालुवाटारमा बोलाईएको बैठकका एजेण्डाका विषयमा मन्त्रीहरुलाई जानकारी गराइएको छैन ।
आजको बैठकमा भारतसँगको सीमा विवाद समस्या समाधान, अमेरिकी मिलिनियम च्लालेञ्ज कर्पोरेशन (एमसीसी), पार्टीभित्र प्रधानमन्त्रीको राजीनामा मागेको विषयमा छलफल हुनसक्ने स्रोतको दावी छ ।
यद्दपी बैठकको एजेण्डा के हुने मन्त्रीलाई जानकारी नदिईएपनि दल विभाजन सम्बन्धि अध्यादेश ल्याउने वा संकटकालको अभ्यासका लागि बैठक बोलाएको हुनसक्ने एक मन्त्रीले जानकारी दिए ।
मन्त्रीपरिषद्को बैठक अगाडी पूर्वनिर्धारित स्थायी समतिको बैठक बस्ने कार्ययोजना छ । यसैबिच प्रधानमन्त्री राष्ट्रपति भेट्न शितलनिवाश पुगेका छन् । स्थायी समितिका नेताहरु बालुवाटार प्रवेश गर्नु अगावै प्रधानमन्त्री ओली शितलनिवाश पुगेका हुन् ।
पछिल्लो समय नेकपामा विवाद उत्कर्षमा पुगेको बेला स्थायी कमिटी बैठकमा अल्पमतमा परेका ओलीले आन्तरिक परामर्शलाई तिब्र बनाईरहेका बखत अकस्मात् मन्त्रिपरिषद् बैठक बोलाएसँगै प्रचण्ड नेपाल समुह थप सशंकित भएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया