बैसाख २१, २०८३ सोमबार
May 4, 2026
न्युज डेस्क
२०७७ जेठ ४, आइतबार
काठमाण्डाैंः धनुषाको जनकपुरमा एकाविहानै एक पुरूषको लास पोखरीमा फेला परेको छ ।
जनकपुरको गंगासागरदेखि पश्चिम तर्फ रहेको पवित्र सरोवर मानिने धनुषा सागर पोखरीमा एकाविहानै पुरुषको लास फेला परेको प्रहरीले जनाएको छ । जिल्ला प्रहरी कार्यालय धनुषाका अनुसार, लास (शव) वेवारिसे रहेको छ । मृतकको पहिचान अझै खुल्न सकेको छैन ।
अन्दाजी ३५ बर्षिय ती पुरुष करिब ३ दिनदेखि डुबेको हुनुपर्ने प्रहरीले अनुमान गरेको छ । लकडाउनमा पनि विहानै निस्केका एक स्थानीयले पोखरीमा तैरिरहेको अवस्थामा उक्त लास देखेपछि प्रहरीलाई खवर गरेको थियो ।
केही बेरमै घटनास्थल पुगेको प्रहरीले मुचुल्का उठाएर लासलाई पोष्टमार्टमको लागि जनकपुरको प्रादेशिक अस्तालमा लगिएको जनाइएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया