भक्तपुरमा कोरोना संक्रमितको सम्पर्कमा रहेका १२ जनाको रिर्पोट नेगेटिभ

काठमाण्डाैंः  भक्तपुरमा गत विहिवार ७ गते कोरोना संक्रमण पुष्टि भएका व्यक्तीको सम्पर्कमा रहेका १२ जनाको कोराना रिर्पोट नेगेटिभ आएको छ ।

भक्तपुर नगरपालिका- ५ का ४२ बर्षीय संक्रमित पुरुषका परिवारका ११ सहित १२ जनाको कन्ट्रायक्ट ट्रेसिङको आधारमा कोरोना परीक्षणको लागि विहिवार स्वाब संकलन गरि राष्ट्रिय जनस्वास्थ्य प्रयोगशालामा पठाएको थियो ।

उनीहरु १२ जनाकै रिर्पोटमा कोरोना नदेखिएको महानगरीय प्रहरी परिशर भक्तपुरका प्रमुख एसपी सविन प्रधानले जानकारी दिए । ४२ बर्षीय कोरोना संक्रमित पुरुषको काठमाडौको बलम्वु स्थित शसस्त्र प्रहरी बलको अस्पतालमा उपचार भइरहको छ ।

त्यसैगरि कोरोना संक्रमणका कारण मृत्यु भएकी सिन्धुपाल्चोक बाह्रविसेकी सुन्केरी महिलाको शव व्यवस्थपनमा लागेका भक्तपुरका दुई युवकमा पनि कोराना देखिएन । भक्तपुरका अरुण सैजु र राजेश गाइजुको कोरोना रिर्पोट नेगेटिभ आएको एसपी सविन प्रधान जनाकारी दिए । उनीहरु अहिले सुर्यविनायक स्थित विरदल गणको क्वारेन्टाइनमा राखिएको छ ।