असोज १७, २०८३ शनिबार
October 3, 2026
न्युज डेस्क
२०७७ जेठ २५, आइतबार
काठमाडौं । विश्वभर महामारीका रूपमा फैलिएको कोरोना भाइरस (कोभिड–१९) सङ्क्रमणका कारण शनिवार (६,जुन २०२०)को साँझसम्म विदेशमा एक सय २५ जना नेपालीहरूको कोरोनाका कारणले निधन भएको छ ।
गैर आवासीय नेपाली सङ्घले विदेशमा नेपालीहरूको मृत्यु र सङ्क्रमणको दर उल्लेख्य रूपमा कमी आएको र सङ्क्रमण दर गत साताभन्दा ७५ प्रतिशतले कमी भएको छ ।
गैर आवासीय नेपाली सङ्घ (एनआरएनए) का अनुसार यो साता विदेशमा छ जना नेपालीको कोरोनाबाट मृत्यु भएको छ भने पाँच हजार पाँच सय ९० जना सङ्क्रमण मुक्त भएका छन् ।
गैर आवासीय नेपाली सङ्घ स्वास्थ्य समितिका संयोजक डा. संन्जिव सापकोटाका अनुसार सो साता कतारमा चार जना, कुवेतमा एक जना, युकेमा एक जना गरी छ जनाले कोरोना भाइरसको कारणले ज्यान गुमाएका छन् ।
सङ्घ अन्तर्गतको स्वास्थ्य समितिले सङ्कलन गरेको तथ्यांकअनुसार विश्वका ३४ देशमा रहेका नेपालीहरू कोरोना भाइरसबाट प्रभावित भएका छन् ।
१३ देशमा रहेका नेपालीहरूको ज्यान गएको छ । कोरोना भाइरसका कारण बेलायत, संयुक्त राज्य अमेरिका, युएई, साउदी अरब, बहराइन, कुवेत, कतार, आयरल्यान्ड, जापान, टर्की, नेदरल्याण्डस्, र स्विडेनमा रहेका नेपालीको मृत्यु भएको छ ।
संयोजक डा.सापकोटाका अनुसार विदेशमा मात्र १४ हजार चार सय ५४ जना नेपालीमा सङ्क्रमण गैर आवासीय नेपालीहरू कोरोनाबाट सङ्क्रमित भएका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया